Ulf Kristersson ayaa sheegay in ay jirto khatar cad oo ah in wax halis ahi ay dhacaan xilli ay sii kordhayaan cadhada Muslimiinta ee ka dhanka ah weerarrada lagu qaaday kitaabka barakaysan ee Islaamka.
Ra’iisul wasaaraha Sweden, Ulf Kristersson, ayaa sheegay inuu aad uga walaacsan yahay cawaaqibka ka dhalan kara haddii ay dhacaan mudaaharaadyo badan oo qur’aanka lagu nijaaseynayo, iyadoo ay sii kordheyso cadhada muslimiinta ee ku aaddan weerarro is-daba-joog ah oo lagu qaaday kitaabka barakaysan ee Islaamka.
Weerarada Qur’aanka Kariimka ah ee ka dhacay dalalka Sweden iyo Denmark waxa ay dhibsadeen wadamo badan oo Muslimiin ah oo uu ku jiro Turkiga, kuwaas oo taageeradooda Sweden u baahan tahay in ay ku biirto Nato – hadafkii Stockholm ka dib duulaankii Ruushka ee Ukraine.
Kristersson ayaa u sheegay wakaalada wararka ee Sweden ee TT in codsiyo dheeraad ah loo gudbiyay booliska si loo ogolaado in lagu qabto mudaaharaadyo mar kale la qorsheeyay in qur’aanka lagu ceebeeyo.
“Haddii la ogolaado, waxaan wajihi doonnaa maalmo ay jirto khatar cad oo ah in wax halis ahi dhacaan,” ayuu yidhi. “Aad ayaan uga walaacsanahay waxa ay keeni karaan.”
Ulk Kristersson oo u muuqda mid dhab ah oo ku socda waddo dheer
Ulf Kristersson ayaa sheegay in ay ku xiran tahay booliiska in ay fasaxaan dibadbaxyada.
Safaaradda Sweden ee Baqdaad ayaa 20-kii July lagu weeraray oo dab la qabadsiiyay dad mudaaharaadayay oo ka cadhooday qur’aan la qorsheeyay.
Kristersson ayaa sheegay in go’aanka ogolaanshaha banaan baxyada ay u taalo booliiska iyo in kale.
Arbacadii, Kristersson iyo mas’uuliyiin kale oo Iswidhish ah ayaa sheegay in dalka uu ahaa bartilmaameedka olole been abuur ah oo “jilayaasha uu taageerayo Ruushku” ay isku dayeen in ay waxyeeleeyaan sumcadda dalka iyaga oo muujinaya in ay taageersan yihiin gubashada.
Wasiirka difaaca madaniga ah Carl-Oskar Bohlin, ayaa yiri: “Jilayaasha Ruushku taageerayo waxay sii xoojiyeen hadallo khaldan sida in dawladda Iswidhan ay ka dambeyso nijaasaynta kutubta quduuska ah.”
Laamaha ammaanka Sweden, Sapo, ayaa qiimeynta heerka khatarta ah ku sii waday 3 cabirka 5, taasoo muujineysa “khatarta sareeysa” inta lagu guda jiro qalalaasaha, laakiin madaxa ayaa sheegay in falcelin xooggan laga sameeyay dhacdooyinkii u dambeeyay. “Sweden waxa ay ka baxday in loo arko dal dulqaad leh oo loo arko dhul ka soo horjeeda Islaamka,” Charlotte von Essen ayaa u sheegtay suxufiyiinta Khamiistii.
Wadamada Denmark iyo Sweden ayaa sheegay in ay aad uga xun yihiin in la gubo Qur’aanka kariimka ah balse aysan ka hor tagi karin marka la eego sharciyada dhowraya xoriyatul qawlka.
Sweden ayaa ku eedeysay dalal kale – sida Ruushka – in ay qalalaasaha wax u wadaan si ay u dhaawacaan danahooda iyo dadaalka ay ugu jiraan ku biirista Nato
Wadamada qaarkood waxaa jira fikrad ah in dawladda Iswiidhan ay ka danbeyso, ama ay raali ka tahay arrintan. Ma yeeli karno, “Wasiirka arrimaha dibadda ee Iswiidhan, Tobias Billström, ayaa yiri Khamiistii. “Kuwani waa falal ay sameeyeen shakhsiyaad, laakiin waxay ku sameeyaan qaab dhismeedka sharciyada xorriyadda hadalka,” ayuu yidhi.
Billström ayaa sheegay in uu la xiriiray wasiirada arrimaha dibadda ee Iran, Iraq, Algeria iyo Lebanon, iyo kuwo kale, iyo sidoo kale xoghayaha guud ee Qaramada Midoobay dhibaatooyinka taagan.
Waxa uu sheegay in uu dhawaan la hadli doono xoghayaha guud ee ururka caalamiga ah ee iskaashiga Islaamka.
Qof Yamani ah ayaa kor u haya nuqul ka mid ah Quraanka Kariimka.
Ruushku ‘isaga oo isticmaalaya warar been abuur ah’ si uu ula jeediyo in Sweden ay taageertay gubashada Qur’aanka
