XIGASHO LAACIB.NET
Wararka ka imaanaya gudaha dalka Spain ayaa xaqiijinaya in xiddiga garabka uga ciyaara kooxda Barcelona, Raphinha, uusan wax qorshe ah u lahayn inuu ka tago garoonka Camp Nou xagaaga soo socda, inkasta oo uu xiiso weyn ka helayo kooxaha horyaalka Sacuudiga.
Raphinha ayaa u sheegay maamulka kooxda iyo wakiiladiisa inuu doonayo inuu sii joogo Barcelona si uu ugu tartamo koobabka waaweyn ee Yurub.
Kooxaha dalka Sacuudiga ayaa la rumeysan yahay inay u diyaariyeen dalabyo dhaqaale oo aad u sarreeya si ay ugu soo jiitaan horyaalkooda, balse Raphinha ayaa rumeysan inay weli wax uga dhiman yihiin horyaalka La Liga.
Xiddigan reer Brazil ayaa xilli ciyaareedkan soo bandhigay bandhigyo heer sare ah, isagoo noqday mid ka mid ah xubnaha ugu muhiimsan ee weerarka kooxda Hansi Flick, taas oo sii xoojisay rabitaankiisa ah inuu qayb ka noqdo mashruuca mustaqbalka ee kooxda.
XIGASHO LAACIB.NET
