XIGASHO LAACIB.NET
Weeraryahanka reer Sweden Viktor Gyökeres ayaa ku guuleystay abaalmarinta Gerd Müller Trophy 2025, taas oo la guddoonsiiyo gool-dhaliyaha ugu sarreysa kubadda cagta Yurub xilli-ciyaareedkii tegay.
Gyökeres, oo hadda u ciyaara Arsenal, ayaa xilli ciyaareed cajiib ah sameeyay. Wuxuu dhaliyay 39 gool horyaalka Primeira Liga isagoo u ciyaaraya Sporting CP, halka uu intaa ku daray 3 gool oo kale Premier League ka dib markii uu ku biiray Arsenal. Wadar ahaan 42 gool ayuu dhaliyay dhammaan tartamada, taasoo ka dhigtay gool-dhaliyaha ugu sareeya Yurub, isaga oo ka sarre maray xiddigaha waaweyn sida Kylian Mbappé iyo Erling Haaland.
Waxqabadkiisa ayaa ka mid ahaa afar gool uu ka dhaliyay kooxda Boavista, taas oo ka dhigtay gool-dhaliyaha shisheeye ee labaad ee ugu goolasha badan taariikhda Sporting. Sidoo kale wuxuu saddexleey (hat-trick) ka dhaliyay Manchester City tartanka UEFA Champions League, taasoo muujisay inuu ka wax qabsan karo marxaladaha ugu adag ee kubadda cagta.
Gyökeres ayaa sidoo kale ku guuleystay Xiddiga Sanadka ee Primeira Liga iyo Kabta Dahabka ah markii labaad oo xiriir ah, isaga oo caddeeyay joogteynta awooddiisa.
Markii uu ku biiray Arsenal, Gyökeres wuxuu sii watay qaab ciyaareedkiisa gool-dhalinta, isagoo si weyn uga qayb qaatay weerarka kooxda cusub. Guulihiisa xilli ciyaareedkan ayaa sumcad usoo jiiday, waxa uuna noqday mid ka mid ah weeraryahannada ugu wax-ku-oolka badan Yurub.
XIGASHO LAACIB.NET
