Rio Ferdinand oo shaaciyay ninka badbaadiyay Kubadda Cagta Afrika’ – Sadio Mane muxuu ka sameeyay Final-kii AFCON?

Rio Ferdinand ayaa amaan aan loo meel deyin u jeediyay xiddiga reer Senegal, Sadio Mane, isagoo ku sifeeyay inuu yahay shaqsiga “badbaadiyay kubadda cagta Afrika” ka dib dhacdadii yaabka lahayd ee ka dhacday final-kii tartanka AFCON 2026 ee dhexmaray Senegal iyo Morocco.

Ferdinand oo arrintan kaga hadlay barnaamijkiisa Rio Presents Podcast, ayaa soo qaatay daqiiqaddii xasaasiga ahayd markii ciyaartoyda Senegal ay isaga baxeen garoonka iyagoo careysan, ka dib markii ay isku khilaafeen go’aan uu qaatay garsooraha.

Ferdinand wuxuu aaminsan yahay in haddii Senegal ay garoonka ka maqnaan lahayd, ay taasi dhaawac weyn ku noqon lahayd sumcadda kubadda cagta qaaradda.

Wuxuu sheegay in Sadio Mane uu ahaa qofka ku qanciyay saaxiibadiisa inay dib ugu soo laabtaan garoonka: “Mane wuxuu badbaadiyay kubadda cagta Afrika, kaliya maahan tan Senegal. Wuxuu kooxdiisa ka soo saaray qolka labiska wuxuuna ku yiri, ‘Dhageysta saaxiibayaal, waa inaan guuleysannaa ama na laga guuleystaa, waa inaad soo baxdaan oo aad ciyaartaan, kubadda cagta Afrika ayaa taas u baahan’.”