XIGASHO LAACIB.NET
Tababaraha Manchester United, Ruben Amorim, ayaa xaqiijiyay in aysan jirin wax isbeddel ah oo ku yimid ciyaartoyda uu heli karo ka hor kulanka ay la ciyaarayaan Aston Villa.
Taasi waxay la micno tahay in daafacyada dhexe ee Harry Maguire iyo Matthijs de Ligt ay weli ka maqnaan doonaan safka Red Devils.
Amorim oo la hadlay saxaafadda ayaa yiri:
“Waxaan u maleynayaa in dhammaan ciyaartoydu ay fiican yihiin. Waxaa haray hal tababar oo kale, laakiin maanta inta kale waa diyaar.”
“Ma jiro qof soo kabanaya, mana jiro qof cusub oo maqnaanaya. Waa isla ciyaartoyda aad hore u ogaydeen.”
Manchester United ayaa kulankii Bournemouth si weyn u dareentay maqnaanshaha daafac dhexe oo khibrad leh, kaddib markii ay goolal badan ku dhiibteen bartamaha difaaca.
XIGASHO LAACIB.NET
