GAROWE (DAYNIILE.COM)-Madaxweynaha Dowladd Goboleedka Puntland Siciid Cabdullaahi Deni, ayaa maanta xarigga ka jaray Buundo cusub oo Garoowe laga dhaqan geliyay xili masuuliyiin badana ay garbihiisa joogeen.
Buundada oo noqoneysa tii labaad ee ay yeelato Garowe la filayaa inay door weyn ka qaadat isku socodka bulshada ee garowe iyo magaalooyinka kale.
Saciid Dani oo intii uu hadalada jeedinayay ku dhaga hadlayay Dowlada iyo siyaasiyiinta reer Puntland ee mucaaradka ku ah ayaa daboolka ka qaaday inaysan aqbali doonin mashaariic dhanka Dowlada ka socota.
“Ciddii hadleysa ha iskaba hadashee Mashruuc la musuq-maasuqayo oo Muqdisho iyo Nairobi lagu kala reebtay magac xumana hadhoow naga raaceyso waligeen aqbali meyno warkeygu waa cad yahay”ayuu yiri Saciid Deni
Dowlada Soomaaliya mar uu toos ula hadlayay ayuu sheegay inay uga digayo inay siyaasadeyso Deeqaha beesha caalamka ee Soomaaliya loogu talo galay
“mar mar baan waxaan maqlaa xukuumadaa diiday mashaariicdii ,wax kasta oo xun oo magaceenana xumeynayana waan diideynaa hadalkaas waa inuu cadaadaa, wax kasta oo jid saxa ku socdana oo aayaheena iyo mustaqbalka ubadkeena dhaxal uga tagaya kanaa daliil u ah inaanan anagu hortaagmeyn mashaariicda sida saxda ah ku socoda”ayuu mar kale yiri Saciid Deni
Sidoo kale wuxuu carabka ku adkeeyay sababta dhismaha buundda garowe iyo guusha ay gaareenba inay ku timid mashruucaan oo ahaa mid Puntland xor u ahayd oo aanay Dowlada dhexe ku faragelineyn.
Maamul Goboleedyada kale ayuu ugu dambeyn fariin u reebay isagoo shaaciyay inuu rajeynayo inay talaabada uu qaaday uga deystaan.
“waxaan u rajeyneynaaa maamul goboleedyada kale inay talaabadaani puntland uga deystaan oo dadkooda u naxaan, luf-lufyar oo la qaato oo dibadaha islamarkaana dibadaha daaro looga dhisto waxba soo kordhin meyso”ayuu mar kale yiri Saciid Dani
XAFIISKA WARARKA SIYAASADA
DAYNIILE.COM
