Hogaamiyihii hore ee Maamulka Koofurgalbeed C/casiis Xasan Maxamed (Laftagareen) ayaa war kooban ka soo saaray arinta doorashada Gudoomiyaha Baarlamaanka Soomaaliya oo dhawaan ka dhaceysa xarunta Baarlamaanka ee Magaalada Muqdisho iyadoo musharaxa ugu cad cad uu yahay Wasiirka Dekadaha C/qaadir Maxamed Nuur.
Laftagareen oo bartiisa Facebook soo dhigay qoraal kooban ayaa sheegay in aysan qeyb ka ahayn doorashada sharcidaradda ah ee uu Xasan Shiikh ka wado Muqdisho sida uu warka u dhigay.
“Dowladda Koonfur Galbeed Waxa ay cadeynaysaa in aysan qeyb ka ahayn doorashada sharcidaradda ah ee uu Xasan Shiikh ka wado Muqdisho, qeyb kama nihin, mana aqoonsanin cid wakiil nooga ahna majirto” ayuu yiri Laftagareen
Sidoo kale Laftagareen wuxuu qoraalkiisa sii raaciyay in dhankooda waajibaadkeeda u yaallo kaliya uu yahay gobbanimada, xornimada iyo sidii ay usoo celin lahaayeen dowladnimada Koonfur Galbeed oo ay gumaysiga uga dulqaadi lahayd sida uu warkiisa u dhigay.
XAFIISKA WARARKA SIYAASADA
DAYNIILE.COM
