Kooxo hubeesan ayaa maanta degmada Hodan gaar ahaan xaafada Seybiyaano ku dilay sargaal katirsanaa ciidanka booliiska Soomaaliya oo lagu magacaabayay Gaashaanle Mahad Cali Cilmi (Mahad Doollar).

Sida aan wararka ku helnay kooxaha hubeesan ayaa sargaalkan gaadmo ku dilay iyagoona dilka kadib goobta isaga baxsaday, waxaana goobta lagu dilay sargaalkan gaaray ciidamo katirsan booliiska oo halkaasi baaritaano ka bilaabay.

Sargaalkan la dilay ayaa caan ka ahaa xaafada Seybiyaano iyo xaafadaha ku dhaw dhaw , waxa uuna sargaal awood badan lahaa sidoo kale ka amar qaadanayeen ciidamo isugu jira booliis iyo kuwa kale.

Taliska Booliiska Soomaaliya ayaan wali ka hadlin dilkan loo geestay Gaashaanle Mahad Dollar, sidoo kale ma jiro cid sheegatay masuuliyada dilkan maanta loo geestay sargaalkan katirsanaa booliiska Soomaaliya.

LEAVE A REPLY

Please enter your comment!
Please enter your name here