MUQDISHO (DAYNIILE.COM)-Warar aan helnay ayaa sheegaya in xerada Gordan ee Muqdisho lagu dhex dilay sarkaal sare oo u dhashay Dalka Imaaraadka kaasoo Somalia u joogay tababar ciidan inuu siiyo ciidamada dowlada.
Sarkaalkaan oo lagu magacaabo Maxamed Mubaarak ayaa ahaa Sarkaalkii ugu sareeyay Imaaraadka ee waliba gacanta ku hayay File-ka ciidamada Booliis Milataariyada Soomaalida oo Imaaraadku lahaa maal-gelintooda.
Ujeedka dilkaan keenay ayaa lagu sheegay markii nin ciidamada ka mida uu rasaas furey xili saraakiisha Imaaraadku tababar bixinayeen.
Sidoo kale wararka qaar ayaa sheegaya in ciidamo Soomaaliyeedna dhibaato ka soo gaartay rasaastaasi inkastoo aan la hubin.
Warar aan la xaqiijin ayaa sheegaya in ninka rasaasta furey uu ka tirsan yahay alshabaab sidaas daraadeedna uu dowlada ugu soo biiray si uu mar uun dhibaato u geysto.
Wixii war soo kordha wararkeena danbe ayaad kala socon doontaan insha Allaah.
XAFIISKA WARARKA
DAYNIILE.COM
