SYDNAY (DAYNIILE.COM)- Laba nin oo hubeysan ayaa toogtay 11 11 qof oo israa’iiliyiin ah halka ay dhaawaceen 29 kale, oo ay ku jiraan labo askari oo booliis ah, sida ay booliisku sheegeen.
Toogashada waxay ka dhacday Xeebta Bondi e Magaalada Sydney ee Dalka Australia halakasoo la sheegay inay Yuhuudu ku qabeen munaasabad loogu magac daray Chanukah oo ay ugu dabaaldagayeen bilawga ciida Yuhuuda.
Hal nin oo la rumeysan yahay inuu ka mid ahaa raggii toogashada geystay ayaa isna la dilay, halka midka labaad ee la sheegay inuu toogashada geystayna xaaladdiisu ay aad u liidato, Dowlada Australia ayaa toogashada ku tilmaamay mid argagixiso.
Dowlada Australia waxay sidoo kale sheegtay in toogashadaani la qorsheeyay in lagu beegsado bulshada Yuhuuda ee Sydney maalinta koowaad ee Hanukkah.
Fiidiyowga ayaa muujinaya nin magaciisa lagu sheegay geesi dukaanle Ahmed al Ahmed, oo hubka ka dhigaya mid ka mid ah raggii weerarka soo qaaday.
Boqolaal dadweyne ah ayaa isugu soo baxay xeebta munaasabad loogu magac daray Chanukah oo ku taal badda, taasi oo u dabaaldageysay bilawga ciida Yuhuuda.
Raiisel wasaare Anthony Albanese ayaa cambaareeyay weerarka lala beegsaday Yuhuuda iyo dadka kale oo dalkiisa u dhashay kuwaasoo dhimasho iyo dhaawac ay soo gaareen.
SOURCE ALJAZEERA
XAFIISKA WARARKA SIYAASADA
DAYNIILE.COM
