Milateriga Soomaaliya gaar ahaan Kumaandooska Gorgor ayaa howlgal ay ka sameeyeen Gobolka Shabeelaha Hoose gaar ahaana deegaanka Jawad Ari waxay ku fashiliyeen qaraxyo Alshabaab soo diyaariyeen oo ay doonayeen inay weraro ku getstaan.
War lagu shaaciyay warbaahinta Dowlada ayaa lagu sheegay in qaraxyada la fashiliyay ay Alshabaab la doonayeen inay ku dhibateeyaan shacabka Soomaaliyeed walow kooxdu aysan ka hadlin eedaan loo jeediyay.
Sidoo kale Dowladu waxay soo bandhigtay goobo gabaad u ahaa Alshabaab oo ay ka cararee markii ciidamadu gaareen kuwaasoo aad sawirada ka arki karto.
Howlgalkaan ay fuliyeen Kumaandooska Gor-Gor ayaa qeyb ka ah howlgalo waqtiyadaan danbe ciidamada Dowladu ka wadeen Gobolka Shabeelaha Hoose kuwaaa ku wajahan dagaalamayaasha Alshabaab oo si weyn ugu xoogan deegaano badan oo Gobolkaasi ka mid ah.
XAFIISKA WARARKA SIYAASADA
DAYNIILE.COM 
