KISMAAYO (DAYNIILE.COM)-Ciidamo ka tirsan Ilaalada gaarka ah ee Madaxtooyada Maamulka Jubaland ayaa tababar loo soo xirey kadib maalmo uu tababar uga socday Magaalada Kismaayo ee Xarunta kumeel gaarka ah ee Maamulka Jubaland,waxaana tababarka dhankooda wax ka bixinayay saraakiil Kenyaan ah.
Wasiirka Amniga Dowlad Goboleedka Jubaland General Yuusuf Xuseen Cismaan Dhuumaal, ayaa soo xiray tababarkaani u socday ciidamo ka tirsan Ilaalada gaarka ah ee Madaxtooyada Jubaland,tababarkaani waxaa askarta lagu barayay xoojinta xirfadaha amniga, ilaalinta madaxda, iyo sare u qaadista heeganka shaqo ee ciidamada.
Maaha tababarkii ugu horeeyay gudaha dalka loogu qabto ciidamada Maamulka Jubaland ,balse tababaro badan oo kala duwan ayaa Kismaayo iyo deegaanada kalaba loogu qabtay Ciidamada Maamulka Jubaland.
Madaxweynaha Jubaland Axmed Madoobe ayaa marar badan warbaahintu soo tabisay isagoo ciidamo usoo xiraya tababar islamarkaana siinaya qalabkii ay ku howlgeli lahaayeen haday tahay hubka iyo gaadiidka.
XAFIISKA WARARKA SIYAASADA
DAYNIILE.COM
