MUQDISHO (DAYNIILE.COM)-Xisbiga Caddaaladda iyo Wdajirka (JSP) ayaa goor dhaw shir ay lahaayeen kaga dhawaaqay in Cali Guudlaawe yahay musharaxooda ku matali doona doorashada dhawaan loo tartami doono Hogaamiyaha Dowlad Goboleedka Hirshaballe.Go’aankaan ayaa ka danbeeyay kadib kulanka guddiga fulinta ee Urur Siyaasadeedka Caddaaladda iyo Wdaajirka (JSP) oo maanta ka qabsoomay xaruntooda Muqdisho,waxaana shir gudoominayay Xoghayaha Guud ee Ururka Xuseen Shiikh Maxamuud.
Kulanka oo looga hadlayay u diyaar-garowga doorashooyinka soo socda ee Dowlad Goboleedka Hirshabeelle ayay Guddiga Fulintu JSP waxay si aqlabiyad leh ugu codeeyeen Hogaamiyaha hada xilka haya ee Cali Cabdullaahi Xuseen uu noqdo Musharraxooda rasmiga ah ee Urur Siyaasadeedka Caddaaladda iyo Wadajirka (JSP).
Si kastaba Cali Guudlaawe ayaa si rasmi ah u gudoomay Kaarka Xisbiga JSP uu ku mateli doono iyadoo uu gudoonsiiyay Xoghayaha Guud ee Ururka Xuseen Shiikh Maxamuud.
XAFIISKA WARARKA SIYAASADA
DAYNIILE.COM
