XIGASHO LAACIB.NET
Weeraryahankii hore ee Barcelona, Sergio Aguero, ayaa muujiyay rajo weyn oo ku saabsan in Blaugrana ay ka soo kaban karto guuldarradii 4-0 ee ka soo gaartay Atletico Madrid lugtii hore ee semi-finalka Copa del Rey.
Kooxda uu hoggaamiyo Hansi Flick ayaa soo bandhigtay mid ka mid ah bandhigyadoodii ugu liitay kulankii ka dhacay garoonka Riyadh Air Metropolitano, iyagoo afar gool laga dhaliyay qeybtii hore ee ciyaarta.
Si kastaba, Aguero oo la hadlay Catalunya Radio ayaa tilmaamay in hal ciyaaryahan uu beddeli karo wax walba:
“Wax walba waa suurtagal. Haddii Lamine Yamal uu iftiimo, waa intaas.”
Kulanka lugta labaad ayaa ka dhici doona Spotify Camp Nou bisha Maarso, halkaas oo Barca ay u baahan tahay soo laabasho mucjiso ah si ay u gaarto finalka.
XIGASHO LAACIB.NET
