Labada Gudoomiye Baarlamaan ee Golaha Shacabka Sheekh Aadan Maxamed Nuur (Madoobe) iyo Aqalka sare Cabdi Xaashi C/llahi ayaa maanta siyaabo kala duwan waxay xafiisyadooda ugu kala qaabileen Xildhibaan Hodan Xasan oo ka tirsan Aqalka Wakiillada Gobolka Minnesota ee dalka Mareykanka.
Xildhibaan Hodan Xasan ayaa ugu horeyn uga mahadcelisay soo dhawaynta wanagsan ee loo sameeyay marka la eego
madaxdii iyo Xildhibaannadii kala duwaneyd ee dalkeeda ku soo dhoweysay, waxaana ay Guddoomiye Aadan Madoobe la wadaagtay kaalinta firfircoon ee qurbojoogta Soomaaliyeed ee ku nool Mareykanka ay ku talaabsanayaan guulo badan oo dalkeena qiimo u leh.
Guddoomiye Sheekh Aadan ayaa kula dardaarmay xildhibaanada inay laba jibaaraan kaalinta muhiimka ah ay ku leeyiin qurba-joogta Soomaaliyeed dalalka ay ku noolyihiin.
Guddoomiyaha Aqalka Sare Cabdi-Xaashi C/llaahi ayaa isna ku bogaadiyay Xildhibaanad Hoddan doorka firfircoonida iyo dad la dhaqanka ay ku tilmaaman yihiin Haweenka Soomaaliyeed, kuwaasoo kaalin muuqata oo mudnaan leh ka qaata dalalka horumaray oo ay ku nool yihiin.
