WALA-WEYN (DAYNIILE.COM)-Waxaa mar kale dad shacaba qaab aano qabiil ah loogu laayay duldeedka Magaalada Wala-weyn ee Gobolka Shabeelaha hoose xili xalay sidaas oo kale dad loogu laayay.
Wararka aan saaka heleyno ayaa sheegaya in ilaa 12 ruux hal goob lagu laayay iyadoo waliba dadkaasi la isugu yeeray kadibna si wada-jir ah loo xasuuqay sida uu Saxaafada u sheegay Xildhiban Daahir Amiin Jeesow.
Qaar ka mid ah wararka baraha bulshada durba lagu shaaciyay saaka ayaa sheegaya in maleeshiyaadka dadkaani laayay ay xirnaayeen dareyska ciidamada Maamulka Koofur-galbeed inkastoo warkaasi ahayn mid aan anagu xaqiiqo u heyno ama warar madax banaan aan ku helnay.
Wararka ayaa intaasi ku daraya in dadka la laayay ay ahaayeen dad Xoolaley ah oo kusugnaa Warta-C/raxman ee Deegaanka Gareeri ee duleedka Magaalada Wala-weyn Gobolka Shabeelaha hoose oo qiyaastii 100KM u jira Muqdisho.
Dhabka kale Dadka dhaawacyada oo qaba oo ku dhaw 10 ruux ayaa la soo sheegayaa in 5 ka mid ah ay qabaan dhaawacyo culus oo xaaladoodana lagu sheegay mid daran.
XAFIISKA WARARKA SIYAASADA
DAYNIILE.COM
DAYNIILE.COM
