MUQDISHO (DAYNIILE.COM)-Hoyga iyo Xarunta Xisbiga Himilo Qaran ee uu hogaamiyo Madaxweynihii hore ee Somalia Shariif Shekh Axmed waxaa galabta ka furmay shirweyne loogu magac daray Badbaadinta Jamhuuriyada 3-aad.
Shirka waxaa isugu tagay shacab iyo Siyaasiyiin Mucaaradka u badan gaar ahaan Xisviga Himilo Qaran waxaana ugu horeyn shirka khudbad ku furay Hogaamiyaha Xisbiga iyo Mucaaradka Golaha Mustaqbalka Shariif Sheekh Axmed.
Shariif wuxuu khudbadiisa ugu horeyn ku sheegay in ujeeka shirka uu yahay in ra’iga la isku dhaafsado sidii dalka loo bad-baadin lahaa xili uu carabka ku adkeeyay in xaalad adag uu dalku marayo
Sidoo kale Shariif Sheekh Axmed wuxuu sheegay in maanta dalku marayo meel halisa ah islamarkaana u baahan in la bad-baadiyo Jamhuuriyadiii 3-aad ee Dalka sida uu warkiisa u dhigay.
XAFIISKA WARARKA SIYAASADA
DAYNIILE.COM
