MUQDISHO (DAYNIILE.COM)-Madaxweynihii hore ee Somalia Shariif Sheekh Axmed hadana ah Xildhibaan u taagan mushara xnimada xilka ugu sareeya ee dalka ayaa mar kale eedeymo culus wuxuu u jeediyay hab dhaqanka Dowlada Faderaalka Soomaaliya ee uu hogaamiyo Madaxweyne Dr.Xassan Sheekh Maxamuud.
Shariif wuxuu ku dhaliilay Dowlada inay iska xiranayaan dadka Magaalada Muqdisho ku dhaqan ee shacabka ah kuwaasoo sida uu tilmaamay hab siyaasadeed lagu dhibaateynayo.Â
“Magaalo waxaan joognaa shacabka la iska xirayo, tusaale maalmahaan danbe waxay Dowladu bilowday in la beegsado dadka aadaya dhanka Hoteel Jaziira oo aan shirarka ku qabsano”ayuu yiri Xildhibaan ShariifÂ
Sidoo kale Shariif wuxuu carabka ku adkeeyay in marka la eego hab dhaqanka Dowlada aysan Muqdisho ka dhici karin shirar xor ah.
“waa wax aan la aqbali karin in dal nuucaasi ah la dhaho waxaa ka dhacaya doorasho qof iyo cod ah”ayuu mar kale yiri Xildhibaan Shariif oo hogaamiya Madasha mucaaradka samatabixinta.
XAFIISKA WARARKA SIYAASADA
DAYNIILE.COM
