Qori AK-47 ah ayaa la xaday intii lagu jiray mudaaharaadyadii Juun 25 ayaa laga helay Kabete.
Bilayska Kabete ayaa soo helay qori AK-47 ah oo laga xaday Saldhiga Booliska Dagoretti intii lagu jiray mudaaharaadyadii rabshadaha watay ee dhacay Juun 25, 2025.
Sida laga soo xigtay Agaasinka Baadhista Dambiyada (DCI) Sabtidii, dib u soo helista ayaa daba socotay xog-waraysi ku saabsan nin laga shakisan yahay oo bac ku sita Bar Gravity ee aagga Gahui.
Saraakiisha Saldhiga Booliska ee Kabete ayaa si deg deg ah uga jawaabay, iyagoo raacaya xogaha sirdoon iyo baaritaanno lagu ogaanayo tuhmanaha.
Baaritaankooda ayaa u horseeday guri ku yaala xaafadda Njuki-Kirigu, halkaasoo loo maleynayay markaas in tuhmanaha uu ku dhuuntay.
Si kastaba ha ahaatee, markii uu arkay ciidamada Booliiska iyo saraakiisha, ninkii soo xaday qoreyga waxaa u suurtagashay inuu baxsado.
Baadhitaan danbe oo guriga lagu sameeyay—oo ay goob joog ka ahayd tuhmanaha hooyadiis ayaa ugu dambeyn lagu helay qori AK-47 ah, iyo hal wareeg oo ah 7.62mm rasaas gaar ah.
Dambi baarista ayaa xaqiijisay in hubka iyo rasaasta ay ka mid ahaayeen alaab laga soo bililiqeystay saldhiga Booliska Dagoretti intii lagu jiray qalalaasaha dhowaan dhacay.
Sida ay boolisku sheegeen, waxaa hadda socda baadi goobka ninka soo xaday qoreyga AK 47-ka ah.
SOURCE CITIZEN TV KENYA
XAFIISKA WARARKA SIYAASADA
DAYNIILE.COM
