MUQDISHO (DAYNIILE.COM )-Odayaal dhaqan oo u dhashay beesha Wacdaan Cusmaan ee beel weynta Muddulood ayaa ku eedeeyay Sheekh Cali Wajiis oo ka mida Culumaa’udiinka Soomaaliyeed inuu xaqiray jiritaanka beeshaasi.
Odayaasha Beesha Wacdaan waxay sheegeen in Sheekh Cali Wajiis uu beesha Daauud wacbuushan ee Abgaal ku sheegay inay degto deegaanka Jaziira iyo dhulka ka koreeya taasoo ay ku sheegeen inay tahay mid uu ku xaqiray beeshooda oo ah beesha halkaasi degta.
“Deegaanka Jaziira waxaa degta oo leh beesha Wacdaan Csmaan , shiikh cali wajiis-na wuxuu sheegay in reerka Sanatar Muuse Sudi degaan, waxaan ka rabnaa Shiikh Cali Wajiis inuu arinkaasi raali gelin ka bixiyo “ayuu yiri mid ka mid odayaasha dhaqanka ee beesha wacdaan
Guud ahaan odayaasha u hadlay Beesha Wacdaan ayaa muujiyay sida ay uga xumaadeen hadalka shiikha oo ay u arkan mid iyaga gaf iyo xaqiraad ku ah lamana oga sida uga jawaabi doono Sheekh Cali Wajiis.
XAFIISKA WARARKA SIYAASADAÂ
DAYNIILE.COM
