KISMAAYO (DAYNIILE.COM)-Wararkii ugu dambeeyay ee laga helaayo Magaalada Kismayo ayaa sheegaya in mucaaradku ay ku jiraan shir xasaasi ah iyo doodo kulul iyagoo doonaya inay sameystaan hogaanka Isbahaysiga ay ku mideysan yihiin ee Golaha Mustaqbalka, waxaana lagu wadaa in Gudoomiye iyo ku xigeen iyo Xog-haye lagu dhawaaqo.
Madaxweyne hore Sheekh Shariif ayaa si horu dhac ah la iskugu raacay inuu noqdo Gudoomiyaha Golaha Mustaqbalka halka ku xigeen uu noqonayo Axmed Madoobe,sidoo kale Maxamed Dhabancad ayaa loo rabaa Xoghayaha Isbahaysiga Golaha Mustaqbalka.
Sidoo kale Xubnaha Golaha ayaa noqon doona 6 ruux kuwaasoo kala ah:-
1- Siciid Deni Madaxweynaha Maamulka Punland.
2- Ra’iisul Wasaare hore Xassan Cali Kheyre
3- Ra’iisulwasaare hore Maxamed Xuseen Rooble
4- Xildhibaan C/raxman C/shukuur Warsame
5-Ra’iisulwasaare hore Saacid Shirdoon
6-Maxamed Aadan Koofi
Marka la eego Beel ahaan siyaasiyiinta qeybsaday hogaanka iyo xubnaha Golaha Mustqablka dhamantood oo waa Hawiye iyo Doorood mana jirto mid ka mid ah beelaha kale sida Dir ,Digil iyo Mirifle iyo Beelaha 5-aad oo xitaa xubin ka noqday Isbahaysiga.
Gudoomiyaha la filayo Sheekh Shariif waa Hawiye Abgaal, ku xigeenka Axmed Madoobe waa Daarood Ogaadeen,Xog-hayaha waa daarood Majeerteen halka 6-da xubnood 4 hawiye yihiin halka 2 kalana ay yihiin Daarood.
XAFIISKA WARARKA SIYAASADA
DAYNIILE.COM
