Muqdisho, 4 Agoosto 2026; Taliye Ku xigeenka Ciidanka Difaaca Uganda, Sareeye Guud Sam Okiding, ayaa maanta si diirran loogu soo dhaweeyay Garoonka Caalamiga ah ee Aadan Cadde ee magaalada Muqdisho.
Sareeye Guud Sam Okiding ayaa ka qeyb geli doona Shirka Taliyeyaasha Ciidamada Difaaca ee Dalalka Ciidamada ku Taageera Hawlgalka Midowga Afrika ee Taageerada iyo Xasillinta Soomaaliya (AUSSOM), kaas oo diiradda lagu saarayo xoojinta iskaashiga amniga, dardargelinta hawlgallada ka dhanka ah argagixisada iyo taageerada Ciidanka Xoogga Dalka Soomaaliyeed.
