Shirkadda Favori ee maamusha garoonka diyaaradaha Aadan Cadde ee magaalada Muqdisho ayaa soo saartay war-saxaafadeed ay kaga jawaabeyso cabashooyin ka soo yeeray qaar kamid ah shaqaalihii shirkadaas oo shaqada ka tegay.
Shirkadda ayaa bayaankaan ku faahfaahisay waxa ka jira cabashadaas “hadallada socda iyo faham-darrada dhowaan dhalatay waxay si toos ah uga dhasheen isbeddellada dhowaan lagu sameeyey Sharciga Shaqaalaha Soomaaliyeed, maadaama aan nahay shirkad u hoggaansanta sharciga dalka, shirkadda waxaa ku waajib ah inay dhammaan habraacyada maamulka shaqaalaha waafajiso sharciga cusub ee dalka,” ayaa lagu yiri bayaankaan ka soo baxay shirkadda Favori LLC.
