Golaha Wasiirrada Arrimaha Dibadda ee Ururka Iskaashiga Islaamka (OIC) ayaa Sshalay ku yeeshay magaalada Jeddah kulan ay kaga hadleen horumarrada iyo xaaladda ka taagan Soomaaliya gaar ahaan aqoonsi ku sheega Yuhuudu siisay Maamulka Somaliland.Xoghayaha Guud ee OIC Xuseen Ibraahim Daaha ayaa carrabka ku adkeeyay in aqoonsiga qeyb ka mid ah gobollada Soomaaliya ee ay samaysay Israa’iill uu yahay xadgudub cad oo ka dhan ah sharciga caalamiga ah, islamarkaana khatar ku ah amniga gobolka, isagoo xaqiijiyay in midnimada Soomaaliya ay tahay khad cas oo aan laga gudbi Karin.
Wasiirada waxay xuseen in talaabada Yuhuudu qaaday uu xad-gudub ku yahay sharciyada caalamiga ah,sidoo kalana qatar ku yahay xsilonida Gobolka iyo Caalamka oo dhan,midnimada iyo wada-jirka Somalia ayay ku tilmaameen mid muqadas ah oo lama taabtaan ah.
Wasiirada Dalalka Islaamka waxay ku goodiyeen in cid kasta oo ku soo xad-gudubta madax banaanida Soomaaliya ay meel uga soo wada jeesan doonaan.
Wasiirka arimaha Dibada Somalia ayaa isna sheegay in Somalia aysan ka soconeyn Heshiisyo sirdoon, mid Milatari, mid siyaasadeed iyo mid dhaqaale hadii aan ogolaansho looga heysan Dowlada Somalia.
