LAAS-CAANOOD (DAYNIILE.COM)-Waxaa goor dhaw si rasmi ah uga furmay Magaalada Laas-caanood Shirkii loo balansanaa ee dhameystirka Maamulka SSC Khaatumo.
Shirka oo aad loo soo camirey waxaa ka qeybgalay ergooyin badan oo matalayay dhamaan Beelaha dega Gobolada Sòol,Sanaag iyo Ceyn.
Wasiirka Arrimaha Gudaha Federaalka Iyo Dib-u-heshiisiinta Soomaaliya Xildhibaan Cali Yuusuf Cali-Xoosh ayaa si rasmi ah u furay Shirweynaha dhameystirka dhismaha Dowlad Goboleedka SSC-Khaatumo.
Wasiir Cali Xoosh wuxuu xusay in Dowladda Federaalka ay geed fadhi u noqon doonto dhismaha Dowlad Goboleed rasmi ah, Dastuur leh, kuna yimaada rabitaanka bulshada deegaanka.
“Dowladdu waxay aaminsan tahay in xalku ku jiro in la helo Dowlad Goboleed dhameystiran oo si buuxda uga mid noqda nidaamka faderaalka Soomaaliya,” ayuu yiri Wasiir Cali-Xoosh.
Masuuliyiinta kale ayaa iyaguna hadalo loo koban waxay ka jeediyeen furitaanka shirka oo laga yaabo inuu maalmo socdo.
XAFIISKA WARARKA
DAYNIILE.COM
