DHUUSA-MAREEB (DAYNIILE.COM)-Waxaa si rasmi ah u baaqday Shirkii Heritage ee Magaalada Dhuusamareeb loo balansanaa inuu ka dhaco kadib markii ay qadka teelka ku wada hadleen Madaxweynaha Somalia Xasam Sheeh iyo Madaxweynaha Maamulka Galmudug Axmed Cabdi Kaariye (Qoor Qoor).
Wararku waxay tilmaamayaan in Madaxweyne Xasan uu amray in la joojiyo shirkaasi madaama dalku ku jiro xaalad adag markii Israa’iil soo weerartay qaranimada iyo wada-jirka Somalia islamarkaana Natanyahu ku dhawaaqay shalay inuu Dowad ahaan u aqoonsaday Maamulka Somaliland.
Shirkaan oo qorshuhu ahaa inuu beri furmo islamarkaana socdo ilaa 30-ka bishaan ayaa lagu waday inay ka qeybgalaan masuuliyiin ka kala socda Dowlada Somalia iyo Maamulka Galmudug ,shirkaan ayaa sanadkiiba mar la qabtaa iyadoo marba meel lagu qabto.
Si kastaba Dowlada Somalia ayaa ku mashquulsan sku-duwidda mowqif qaran oo mideysan si wada-jir looga hor tago qorshaha gumeysiga israa’iil ay ku doonayaan inay dalkeena ku kala qeybiyaan.
XAFIISKA WARARKA SIYAASADA
DAYNIILE.COM
DAYNIILE.COM
