Waxaa magaalada Dar Es Salaam, Tanzania lagu qabtay FIFA Technical Leadership Introductory Workshop oo loogu talagalay Xoghayeyaasha Guud (General Secretaries) iyo Agaasimayaasha Farsamada (Technical Directors), si kor loogu qaado hogaaminta iyo wada-shaqeynta hoggaamineed ee ururrada kubadda cagta.
Tababarkan ayaa socday intii u dhaxeysay 10-ka Agoosto illaa 15-ka Agoosto 2025, waxaana ka qeyb galay madax kala duwan oo ka socda dalalka xubnaha ka ah FIFA.
Xiriirka Soomaaliyeed ee Kubadda Cagta waxaa tababarkan uga qeyb galay Xoghayaha Guud ee Xiriirka Soomaaliyeed ee Kubadda Cagta Dr Yusuf Muxudin Axmed iyo sidoo kale Muraad Cabdulkadir Maxamuud, oo ah Madaxa Farsamada Xiriirka Soomaaliyeed ee Kubadda Cagta.
Kulankan ayaa ujeedkiisu ahaa in la xoojiyo fahamka iyo hogaaminta maamulka farsamo, la wadaago waayo-aragnimada hababka shaqo ee hufan, iyo in la abuuro isdhexgal iyo wada shaqeyn dhow oo ka dhexeysa madaxda farsamo iyo xoghayeyaasha guud ee xiriirrada kubadda cagta.
XIGASHO: SOMALI FOOTBALL FEDERATION 
