Gacan ku dhiiglihii xaaskiisa gubay oo u gacan galay Sirdoonka Qaranka

Ciidanka Hay’adda Sirdoonka iyo Nabad Sugidda Qaranka ayaa gacanta kusoo dhigay Sayid Cali Macalin Daa’uud oo ku eedeysan dilka Marxuumad Luul Cabdicasiis oo jimcihii u geeriyootay dhaawac kasoo gaaray dab la qabad siiyay jirkeeda.

Ciidanka Nabad Sugidda oo maalmihii lasoo dhaafay ku raad-joogay eedeysanaha ayaa ugu dambeyn kasoo qabtay deegaanka Kabdaale oo hoostaga degmada Hobyo ee gobolka Mudug xilli uu halkaas ku dhuumaaleysanayay.