MUQDISHO (DAYNIILE.COM)-Xog-hayaha Madasha Samatabixinta Mucaaradka Somalia Maxamed Aadan Kofi ayaa maanta isagoo la hadlayay haweenka mucaaradka wuxuu la ilmeeyay hab dhaqanka Dowlada ee barakicinta shacabka guryihii ay daganaayeen laga saarayo.
Siyaasiga oo la sheekeeyay hab dhaqanka Dowlada ayaa sheekada ku soo daray qiso ku dhacday mid ka mida askartii Dowlada ee u xilsaarnaa inay shacabka xoog uga saaraan dhulka Dowlada ee dadku deegaameystee, askarigaan ayaa sida Kofi sheegay waxaa ugu danbeyn ku timid dumiskii.
“aniga waxaa ii yimid sarkaal lacag qaatay ee la yiri dad masaakiin ah barakici laakiin wuxuu hilmaamay xaafaduu barakicinayay in reerkiisu deganaa , Alle wuxuu qadaray in maalinkii danbe uu ii yimaado isagoo i leh Taliyow 5 boqol dolar oo la i siiyay oo aanan iska hubin baan ilmihii ku barakiciyay,baldoosarkii ayaa siduu u socday wuxuu ku tagay gurigii iyo caruurtii uu saaka ka soo tagay,wuxuu iigu yimid inaan guri dejiyo,isagaana is barakiciyay,waxayna ka mid tahay foolxumooyina dhacay ee aan la yaabay”ayuu yiri Siyaasi Koofi.
Sheekadaasi kadib Kofi wuxuu soo gaaray meesha ka ilmeysiisay oo ahayd in la soo maray xiligiisii oo aan wax mushaar aaney jirin, walibana xitaa markay dhaawacmaan ay iyaga jeebkooda iska daweyn jireen markaasna uu isagu ku jirey ciidamada
XAFIISKA WARARKA SIYAASADA
DAYNIILE.COM
