Garowe (dayniiile.com)-Siyaasi reer Puntland ah oo maanta khudbad ka jeediyay shirka Siyaasiyiinta Mucaaradka ku ah Madaxweynaha Puntland Saciid Dani ayaa si adag uga hadlay hadii isbadal uu ku yimaado waqtigii doorashada Puntland agu yaqaanay.
Siyaasigaan oo lagu magacaabo Gen. Asad Cismaan Cabdullaahi ayaa soo jeediyay in la soo xiro Madaxweynaha Puntland Saciid Dani islamarkaana Maxkamad la soo taago hadii uu waqtigii lagu balamay qaban waayo doorashada madaxtinimada.
Gen. Asad Cismaan Cabdullaahi wuxuu intaasi ku daray in Saciid Dani laga sugaayo inuu doorashada ku qabto waqtigii lagu balansanaa.
“hore shacabka darstiis ayaan uga qeybgallnay dorashooyinkii Golaha deegaanka laakiin inagu waan ogeyn inuu Saciid wax qaldaayo markii uu dastuurkii badalay,xerarkii badalay,islamarkaana uu siduu rabo ka dhigtay wax kasta”ayuu yiri Siyaasi Asad Cusmaan
Shirkaan maanta u furmay Siyaasiyiinta xukun doonka ah ee reer Puntland oo berina lagu wado in la soo xiro ayaa lagu wadaa in warsaxaafdeed wada-jra ay soo saaraan Mucaaradku.
XAFIISKA WARARKA
DAYNIIILE.COM
