LUBUMBASHI (DAYNIILE.COM)-Wararka laga helaayo Magaalada labaad ee ugu weyn dalka Congo oo lagu magacaabo Lubumbashi ayaa sheegaya in halkaasi shalay lagu xirey ku dhawaad laba boqol dhalinyaro Soomaaliyeed ah oo si sharci daro ah guryahooda loogu galay waliba la soo jabshay guriga ilaa dhamaantood la kaxeystay.
Sawiro iyo muuqaalo baraha bulshada lagu faafiyay ayaa lagu arkay iyadoo dhalinyarada Soomaaliyeed si xoog ah loo saarayo gaadiid ciidan lamana oga jeedka walow wararka horu dhacana ay sheegayaan in lagu eedeeyay inay si sharci daro ah ku soo galeen dalkaasi.
Wararka ayaa intaasi ku daraya in dhalinyaradaan oo iska xamaasha dhamaantood la dhacay wixii ay heysteen iyadoo qof u hadlay uu sheegay inay macquul tahay in Dowlada Congo waxba ka ogeyn arintaan balse qolo shaarka dowlada wadata oo ay doonayaan inay Soomaalida boobaan.
Dhanka kale Dowlada Somalia wali kama hadlin dhacdadaani oo Soomaalida hantidooda lagu boobayo iyuadoo loogu mar marsiyoonayo inay sharci daro ku galeen dalkaasi.
XAFIISKA WARARKA SIYAASADAÂ
DAYNIILE.COM
