Arusha, Nofeembar 24, 2023: Madaxweynaha Jamhuuriyadda Federaalka Soomaaliya oo ka qeyb-galay Meertada 23-aad ee Hoggaamiyeyaasha dalalka ku mideysan Dalladda Bulshada Bariga Afrika (EAC) ayaa guddoomay kursiga xubinnimo ee Jamhuuriyadda Soomaaliya oo la aqbalay codsigeedii ku biiridda dalladan.
Madaxweynaha ayaa xusay dadaalka uu ku bixinayey tan iyo sannadkii 2016-kii ka mid noqoshada dalladan, maadaama ay fursad u tahay dadka Soomaaliyeed oo helaya suuq caalami ah, fursado ganacsi iyo socdaalka oo u fududaanayaa, waxa uuna ammaanay khubarada iyo diblumaasiyiinta Soomaaliyeed ee ka shaqeeyey sidii dalalka ku mideysan dalladan loogu qancin lahaa aqbalaadda codsiga Soomaaliya.
“Maanta oo aan furnay bog cusub oo ka mid ah taariikhda Soomaaliya, waxaa sharaf weyn ii ah in aan idin hor istaago annagoo si rasmi ah uga mid noqonayno xubnaha dallada Bulshada Bariga Afrika.
Tani kaliya kama tarjumeyso hiigsigeenna ee waa ifafaalo mustaqbal wanaagsan, fursado iyo awoodaha bulshadeenna. Waxaan dalladan ugu soo biirnay in aan xoojinno xiriirka saaxiibtinimo, ka qayb-qaadanno horumarka wadajirka ah, doorna ku yeelanno mustaqbalka wanaagsan ee shucuubta gobolka.”
Madaxweynaha Jamhuuriyadda ayaa uga mahadceliyey Madaxda dalalka Bariga Afrika aqbalaadda codsiga dowladda Soomaaliya ee ku aaddan ka mid noqoshada dalladdan, waxa uuna soo bandhigay faa’iidada ay u leedahay Shucuubta iyo dalalka Bariga Afrika in Soomaaliya ay ku soo biirto, maadaama ay tahay dal hodon ah, meel istaraatiiji ah dhaca, dadkiisuna ay hurmuud u yihiin ganacsiga qaaradda.
DHAMMAAD
Wixii faahfaahin ah, fadlan kala xiriir
Abdikadir Ali Dige,
Xafiiska Warfaafinta & Xiriirka Warbaahinta,
May be an image of 1 person, dais and text that says "TAIDE FEDERAL LAL REPUBLIC OF SOMALIA"May be an image of 7 people, dais and text that says "23RD ORDINARY SUMMIT OF THE EAC HEADS OF STATE Theme: Accelerating Economic Recovery through Climate Action and enhancing Food Security for Improved Livelihoods 24th November. 2023 RLIC A,UNITED"
Previous articleHeshiiska Xamaas iyo Isra’iil oo maanta dhaqan galay
Next articleShariif Sh Axmed iyo Maxamed Xuseen Rooble maxay ka dhaheen ku birista Somalia Dallada Bariga Afrika

LEAVE A REPLY

Please enter your comment!
Please enter your name here