HARGEYSA (DAYNIILE.COM)-Xiisad ka dhalatay markii maanta Madaxweynihii hore ee Maamulka Somaliland Muuse Biixi laga celiyay garoonka diyaaradaa Hargeysa ayaa cirka isku sii shareereysa iyo odayaasha dhaqanka qaarkood iclaaminayaan dagaal beeleed.
Suldaanka Guud ee Beesha Subayr Awal oo shir jaraa’id qabtay ayaa si cara leh ugu dhawaaqay dagaal ka dhan ah Madaxweynaha Somaliland C/raxmaan Ciro iyo reerka uu ka soo jeedo isagoona ku eedeeyay inuu mudaba dagaal la doonayay reerkiisa balse ay hada u soo jeesteen.
Suldaanka wuxuu sheegay inay iska difaaci doonan Madaxweynaha Somaliland Cirro iyo Beeshiisa garxajis ,isagoo faray dhalinyarada reerkiisa inay dagaal u diyaar garoobaan.
Muuse Biixi oo ah ninkii xilka kugu wareejiyay oo aad ciidan wadada u dhigtay waxaad ka hesho waxba hanaga siin adiga iyo reerkiinu, C/raxmaanoow ninkii meydkeena xabada la dhacay baad filim ugu dhigtay Hargeysa,waxaad dooneysaa inaad dumiso Somaliland, mudo 9 bilood ahna reerkeena dagaal baad ku waday laakiin iminka waa kula qaadanay dagaalka oo diyaar baan nahay” ayuu yiri Suldaanka.
Halkaan ka daawo muuqaalka suldaanka:-
XAFIISKA WARARKA SIYAASADA
DAYNIILE.COM
