Dowladda Iran ayaa diiday in ay safiir cusub u soo dirto dalka Sweden, kadib markii nin mudaaharaadayay uu qur’aan ku gubay bannaanka masjid ku yaalla magaalada caasimadda ah ee Stockholm.
Qaxooti asal ahaan ka soo jeeda dalka Ciraaq ayaa ku gubay kitaabka quraanka kariimka ah ee Muslimiinta maalintii 1-aad ee Ciidul Adxaa bannaanka masjidka.
Booliska Sweden ayaa todobaadkii hore ku soo oogay dacwad ka dhan ah qowmiyad ama qaran.
Wasiirka arrimaha dibadda ee Iran, Hossein Amirabdollahian, ayaa ku eedeeyay dowladda inay siisay ogolaanshaha mudaaharaadka.
Qorshe lagu gubayo kitaabka qur’aanka kariimka ah ayaa bilihii lasoo dhaafay rabshado ka dhaliyay dalka Sweden. Booliiska ayaa diiday codsiyo la mid ah mudaaharaad dhawaan, laakiin maxkamadaha ayaa markaa go’aamiyay in loo ogolaado sababo xorriyadda hadalka.
Muslimiintu waxay Qur’aanka kariimka ah u arkaan inuu yahay kalimada Ilaahay waxayna u arkaan dhaawac kasta oo ula kac ah ama xushmad la’aan loo geysto Qur’aanka kariimka ah.
Mr Amirabdollahian ayaa sheegay in inkasta oo uu magacaabay safiir cusub, Tehran aysan soo diri doonin.
“Habkii loo diri lahaa dadkaasi waa la hakiyay iyadoo ay ugu wacan tahay dowladda Sweden oo siisay ruqsad lagu xumeynayo qur’aanka kariimka ah,” ayuu ku yiri hadal uu soo dhigay bartiisa Twitter-ka.
Wasaaradda arrimaha dibadda Ciraaq ayaa sidoo kale ka codsatay dhiggeeda Sweden in loo soo gacan geliyo ninka gubay qur’aanka kariimka ah. Waxay ku doodeen in maadaama uu weli haysto dhalashada Ciraaq, ay tahay in lagu maxkamadeeyo Baqdaad.
Dhacdadan ka dib, kumannaan qof oo mudaaharaadayaal ah ayaa weerar ku qaaday safaaradda Sweden ee Ciraaq, ka dib markii ay soo abaabuleen wadaadka Shiicada ah ee caanka ah ee Moqtaha al-Sadr. Shan iyo toban daqiiqo ka bacdi ayay tageen markii ciidan nabad sugid ah la geeyay.
Ra’iisul wasaaraha Sweden, Ulf Kristersson, ayaa cambaareeyay weerarka lagu qaaday safaaradda, balse waxa uu sidoo kale sheegay in la joogo waqtigii Sweden ay ka fikiri lahayd aqoonsigeeda.
“Dabcan gabi ahaanba waa wax aan la aqbali karin in dadka si sharci darro ah u soo galaan safaaradaha Sweden ee dalalka kale, waxaan qabaa in aan sidoo kale u baahannahay in aan ka tarjumno Sweden, waa xaalad amni oo halis ah, ma jirto sabab lagu aflagaadeeyo dadka kale,” ayuu yiri.
Kadib shir deg deg ah oo Ururka Iskaashiga Islaamka uu ku yeeshay magaalada Jeddah Axadii shalay, ururka fadhigiisu yahay Sacuudiga ayaa ku baaqay in dalalka xubnaha ka ah ay qaadaan “tallaabo mideysan oo wadajir ah” si loo joojiyo dalalka gubanaya kitaabka barakeysan ee Islaamka.
Xoghayaha Guud ee Qaramada Midoobay, Hissein Brahim Taha ayaa sheegay in gubitaanka Qur’aanka “ma ahan dhacdo caadi ah oo Islaam nacayb ah” wuxuuna ku booriyay dalalka caalamka inay u hoggaansamaan sharciga caalamiga ah “kaas oo si cad u mamnuucaya u doodista diinta nacaybka”.
Morocco, Kuwait, Jordan iyo Imaaraadka Carabta – iyo dalal kale – ayaa u yeeray safiiradooda Stockholm dhacdada ka dib.
Waxa ay sidoo kale caro ka dhalisay wadamada kale ee Muslimiinta u badan oo uu ka mid yahay Turkiga – oo xubin ka ah Nato oo leh go’aan ku aadan in Sweden ay iyaduna xubin ka
