MUQDISHO (DAYNIILE.COM)-Waxaa maanta Muqdisho lagu qabtay Munaasabada Xuska sanad guuradii 64-aad ee kasoo wareegtay aas-aaska ciidanka Cirka ee xoogga dalka.
Taliyaha Ciidanka Cirka Janeraal Maxamed Sheekh Cali ayaa ka hadlay munaasabada wuxuuna ugu horeyn u hambalyeeyay guud ahaan ciidanka Cirka Soomaaliyeed.
Taliyaha oo hadalo kooban u jeediyay Cutubyo katirsan Ciidamada Cirka ee Xoogga dalka ayaa xusay waqtigii la dhisay iyo sidii quruxda badneyd ee loo dhigi jirey xuska maalinta Ciidanka.
Janeraal Maxamed Sheekh Cali wuxuu ka cudur daartay ineysan awoodin inay sameeyaan dhoola tusyadii la sameyn jirey sababo la xiriira duruuufaha hada jira iyo dagaalada dalku ku jiro sida kan Alshabaab lagula jiro.
Taliyaha wuxuu ku dbawaaqay in dhawaan inta sanadkaan lagu jiro ay dowlada ka filayaan in ciidamada Cirka la qalabeeyo.
Sidoo kale wuxuu sheegay inay dhawaan ciidamadu awood u yeelan doonaan inay la wareegaan amniga Cirka Dalkeena marka la eego awooda dhanka hubka sida diyaaradaha iyo raadeerada.
XAFIISKA WARARKA
DAYNIILE.COM