Taliska Ciidanka Boliiska oo ka hadlay Dilkii Xumaa ee shalay ka dhacay magaalada Muqdisho

0

Saraakiisha Booliska Soomaaliya ayaa War ka soo saaray dil Askari ka tirsan ciidanka dowlada uu shalay u geystay Nin Odey ahaa oo ka dhacay Isgoyska Ceel-gaabta ee magaalada Muqdisho.

Odeyga oo ahaa ganacsade ayaa waxaa dilkiisu yimid, ka dib markii Askariga uu diiday dalab ka yimid askariga oo ahaa inuu siiyo xabad sigaar ah taasoo keentay inuu rasaas ku furo, waxaana askariga dilka geystay oo isku dayey inuu baxsado gacanta ku dhigay ilaalada Guddoomiye ku-xigeenka amniga iyo siyaasada ee maamulka gobolka Banaadir oo goobta marayey xiligaas, kuwaasoo xabsiga u taxaabay.

Qoraal kooban oo kasoo baxay Taliska Ciidanka Booliska ayaa waxaa lagu sheegay in Askariga dilka geystay uu xiran yahay, isla markaana ay ku socdaan baaritaano ku aadan dilkaas, lana horgeyn doono cadaalada.

“Askarigii dilka ugu geystay isgoyska Ceelgaabta ee Magaalada Muqdisho Muwaadinka Soomaaliyeed, ayaa Ciidanka Boliisku gacanta ku dhigeen, kiiskaas Waxaa ku socda baaris, wuxuuna wajahayaa Cadaalada” ayaa lagu yiri Qoraalka.

Ciidamada dowlada qaarkood ayaa bilihii la soo dhaafay dilal macno daro ah ugu geystay magaalada Muqdisho dad shacab ah oo aan hubeysneyn, waxaana la qabtay qaar ka mid ah askartii dilalka fulisay halka qaar kalena ay baxsadeen.

Untitled Document

Ka dhageyso Muxaadaro cusub TEL 001 6057813292

MUXAADARO CUSUB Live UK TEL 03306060934

Fadlan Hadii aad u baahantahay Macluumaad dheeraad ah naga la soo Xiriira.

Email: dayniilecom8@gmail.com

TEL 00254714116520

LEAVE A REPLY

Please enter your comment!
Please enter your name here