MUQDISHO (DAYNIILE.COM)-Taliyaha Sirdoonka Dalka Suudaan, Jeneral Axmed Ibraahim Cali Mufaddal ayaa maanta soo gaaray Magaalada Muqdisho wuxuun kulamo la kala qaatay Madaxweynaha Somalia Xasan Sheekh iyo dhigiisa Somalia Mahad Maxamed Salaad.
Warar kala duwan ayaa ka soo baxaya ujeedka socdaalkiisa iyo waxa uu madaxda Dowlada kala hadlay kuwaasoo qaarkood sheegayaan inuu u yimid islamarkaana uu Madaxweyne Xassan kala hadlay arimo la xiriira weerarada diyaaradaha Imaaraadka ku qaadaan Dalka Sudan xili azy  adeegsadaan oo ka duulaan Soomaaliya gaar ahaan Magaalada Boosaaso.
Ma jirto warar madax banaan oo xaqiijinaya waxa labada dhinac ay ka wada hadleen arimo xasaasi ah ay ka wada hadleen sarkaalka Sudan ka yimid iyo Madaxda Dowlada Faderaalka Somalia.
Sidoo kale Taliyaha sirdoonka Sudan iyo Madaxweyne Xassan waxay ka wada hadleen arrimo la xiriira iskaashiga sirdoonka, amniga, iyo la dagaallanka khataraha caalamiga ah.
Sarkaalkaan oo watay diyaarad qaas ah ayaa lagu wadaa inuu isla maanta ku laabto dalkiisa oo dagaalo culus kula jira kooxaha falaagada ku ah Dowlada Sudan.
XAFIISKA WARARKA SIYAASADA
DAYNIILE.COM
DAYNIILE.COM
