BARAAWE (DAYNIILE.COM)-Taliyaha Ciidanka Xoogga Dalka Soomaaliyeed Sareeye-Gaas Odawa Yusuf Rage iyo wafdi uu Hogaaminayo ayaa maanta Gaaray Maagaalada Baraawe ee Gobolka Shabellaha Hoose.
Taliyaha waxaa Magaalada Baraawe ku soo dhaweeyay saraakiisha ciidamada Xooga Dalka iyo kuwa Midowga Afrika ee ku jooga Somalia magaca AUSSOM, saraakiisha Soomaalida ayaa salaan sharaf waxay kala hortageen Taliyahooda.
S/Gaas Odawa Yusuf Rage ayaa Xariga ka jaray dhismaha Xarunta Taliska guutada 6 Aad ee Qeybta 60 Aad ee Ciidanka Dhulka ee XDSoo laga hirgaliyey Magaalada Baraawe.
Sidoo kale Taliyaha oo xafiiska Taliska kula hadlay Saraakiisha Xooga Dalka ayaa uga warbixiyay xaalada guud ee ciidmada Xooga Dalka oo aagag badan iyo dagaala kaga jira inta badan gobolada dalka kuwaasoo ay kula jiraan alshabaab.
XAFIISKA WARARKA SIYAASADA
DAYNIILE.COM
