Maxamuud Axmed Nuur Tarsan oo ah Safiirkii hore ee dalkeena u fadhiyay Dalka Kenya ayaa qoraal uu soo dhigay barihiisa bulshada wuxuu Dowlada Somalia kula taliyay in la dhiso ciidamo badeed xoog leh oo leh maraakiib dagaal si xeebaha dalkeena looga ilaaliyo cadowga kala duwan.
“Dowlada Somalia waxaan ku boorinayaa inay xoogga saarto dhismaha Ciidanka Badda waayo waxaan nahay Dowlad leh xeebta ugu dheer Afrika taas oo u baahan in la ilaaliyo kheyraadka ku jira iyo amnigeeda”ayuu yiri Danjirre Tarsan.
Siyaasi Tarsan wuxuu xusay in isaga ay la tahay in xiligaan Dowladaha galbeedku diyaar u ahayn inay Soomaaliya ka taageeraan dhismaha ciidamada Badda sidaas daraadeedna uu soo jeedinayo in loo jeesto meelo kale oo Somalia ay la heli karto taageero dhanka ciidamada Badda.
“waxaan ka dalban karnaa Shiinaha ama Ruushka inaan ka helno 5 markab ama 10 markab oo ah kuwa lagu ilaaliyo xeebaha,taas badalkeedana waxaan ruqsad u siineynaa in kaluunkeena jilaabtaan oo haddaba dowlado badan si sharci daro a uga kaluumeystaan”ayuu yiri Maxamuud Axmed Nuur Tarsan
XAFIISKA WARARKA SIYAASADA
DAYNIILE.COM
