MUQDISHO (DAYNIILE.COM)-Tartanka Kubada cagta Degmooyinka Magaalada Muqdisho iyo Degmada Warsheekh ee ka socday Mogadisu Stadium ayaa soo gaaray 4-dhamaadka ama semefiinaalka tartanka kadib markii ay isku soo hareen afar degmo oo kaliya.
Afarta Degmo ee isku soo hartay ayaa kala ah Dharkeenleey iyo Howl-wadaag oo la isku aadiyay afar dhamaadka iyo Warsheekh iyo Kaaraan oo iyagana la isku aadiyay.
Galabta oo ugu danbeysay Degmada Kaaraan ayaa wareegii 8-da waxay kaga adkaatay Degmada Wada-jir waxayna ciyaartoyda Kaaraan ku badiyeen 3-0 iyagoona sidaa isaga xaadiriyay afar dhamaadka tartanka, shalay waxaa sidaas oo kale iska hor yimid Warsheekh iyo Kaxda waxaana 2-0 ku adkaatay Warsheekh oo afar dhamaadka iska xaadirisay.
Doraad waxaa kulmay Howlwadaag iyo Shibis waxaana 3-1 ku adkaaday Howlwadaag oo hada afar dhamadka ku aadan dharkeenleey,sidoo kale maalintii ka horeysay waxaa is arkay Xamarweyne iyo Dharkeenleey waxaana afar dhamaadka iska so xaadiriyay Dharkeenleey.
XAFIISKA WARARKA CIYAARAHAÂ
DAYNIILE.COM
