=XIGASHO LAACIB.NET=
Thomas Partey ayaa lagu soo oogay laba dacwadood oo dheeraad ah oo kufsi ah, sida ay warbaahinta Ingiriiska ku warrameyso.
Ciyaaryahanka reer Ghana, oo hore uga tirsanaa Arsenal, ayaa wajahaya eedeymo cusub oo la xiriira kiisas horey loo baarayay. Dacwadahan cusub ayaa kordhinaya tirada eedeymaha ka dhanka ah isaga, iyadoo kiiska uu hadda ku jiro marxalad sharciyeed.
Ilaa hadda, Partey si cad ugama hadlin eedeymahan cusub, halka qareenadiisa ay hore u sheegeen in uu beeninayo dhammaan eedeymaha loo jeediyay.
Kiiskan ayaa si weyn u soo jiitay dareenka bulshada kubadda cagta, maadaama Partey uu ahaa mid ka mid ah ciyaartoyda muhiimka ah ee kooxdiisa iyo xulka qaranka Ghana.
Arrinta ayaa hadda la filayaa in ay gasho maxkamad, halkaas oo go’aan kama dambeys ah laga gaari doono marka la dhageysto dhammaan caddeymaha la xiriira kiiska.
=XIGASHO LAACIB.NET=
