ANKARA (DAYNIILE.COM)-Wasiirka Tamarta iyo kheyraadka dabiciga ah ee Dalka Turkiga ayaa ku dhawaaqay in Markabka Oruç Reis uu soo afjaray sahmintii shidaal uu ka waday Badda Somalia islamarkaana uu dhawaan dib ugu laabanayo xaruntiisa Turkey.
Wasiirka wuxuu xusay in howlgalkaani uu ku soo dhamaadfay si guul ah kaasoo socday mudo 234 maalmood kadib markii shaqada sahminta sidaalka uu Markabka Oruç Reis soo bilaabay 25-kii bishii Octoaber sanadkii 2024-kii.
Wasiirka ayaa saxaafada u sheegay in sahanka ay la sameeyeen sedex xirmo ayna hayaan xogtii ka soo baxday oo ah mid guul ah.
“xogta la helay ee sahminta kheyraaka somalia 3D baaxadeeda ay dhantahay 4,464 KM X2 waxay muhiim tahay qiimeynta kheyraadka shidaalka iyo gaaska ku jira gudaha Somalia taasoo hageysa talaabooyinka xiga ee horumarineed”ayuu yiri Wasiirka
Ugu dambeyn Markabka sahminta Oruç Reis oo guul gaaray ayaa la cadeeyay inuu 15-ka bishaan June ka shiraacan doono Dekada Muqdisho si uu dalkiisa Turkey ugu laabto madaama wixii hada ka danbeeya ay iman doonan kooxdii shidaalka soo saari lahayd .
XAFIISKA WARARKA SIYAASADA
DAYNIILE.COM
