Mareykanka ayaa Soo jeedisey in dowladda Turkiga ay martigeliso kulan heer sare ah oo u dhexeeya wakiillada dowladda Afgaanistaan ​​iyo Taliban toddobaadyada soo socda si loo dhameystiro heshiiska nabadeed, Cavusoglu wuxuu sheegay in Turkigu ku lug lahaa howlaha tan iyo bilowgii.

Waxaan ka mid ahayn dalalkii yaraa ee lagu casuumay xafladan saxiixa, waxaanan ka mid nahay jilayaasha ugu muhiimsan Afghanistan,ayuu yiri.

Toddobaadkii hore, Xoghayaha Arrimaha Dibadda ee Mareykanka Antony Blinken, warqad uu u qoray Madaxweynaha Afghanistan Ashraf Ghani, wuxuu ku sheegay,

in Mareykanku damacsan yahay inuu ka codsado UN-ka inay isugu yeerto wasiirada arrimaha dibedda iyo ergooyinka Ruushka, Shiinaha, Pakistan, Iran, India, iyo Mareykanka si looga wada hadlo si kor loogu qaado nabadda Afghanistan.

Cavusoglu ayaa sheegay in Turkiga uu ku kalsoon yahay labada dhinac ee wada hadalada, wuxuuna yidhi: “Daalibaan iyo weftiga wadahadalada labadaba, oo macnaheedu yahay dhinaca dawladda ayaa naga codsaday inay marti galino Wadahadalada Taaliban iyo Xukuumadda.

Wuxuu soo qaatay kulamadii Madaxweynaha Turkiga Recep Tayyip Erdogan uu la yeeshay dhiggiisa Afghanistan Ashraf Ghani iyo Abdullah Abdullah, oo ah madaxa Golaha Sare ee Dib-u-heshiisiinta Qaranka Afghanistan.

Cavusoglu wuxuu sheegay inuu sidoo kale Qatar kula kulmay Mullah Abdul Ghani Baradar, oo ah kuxigeenka madaxa Taliban iyo hogaamiyaha wafdigooda sanadkii hore ka dib markii ay heshiis nabadeed la saxiixdeen Mareykanka.

Wuxuu carrabka ku adkeeyay in Turkiga ay sidoo kale magacaabi doonaan ergay gaar ah oo u qaabilsan Afghanistan si ay uga qayb qaataan hawsha.

Cavusoglu wuxuu intaas ku daray in kulanka ka dhacaya caasimada Turkiga ee Ankara uusan bedel u noqon doonin hanaanka Qatar laakiin uu yahay mid lagu taageerayo.

By C/wahaab Aadan C/raxmaan.

LEAVE A REPLY

Please enter your comment!
Please enter your name here