MUQDISHO (DAYNIILE.COM)-Iyadoo xiisad dagaal ay ka taagan tahay Magaalada Muqdisho ayaa waxaa wali socdda dadaalo dhex dhexaadin ah oo la doonayo in lagu xaliyo xiisadaasi iyadoo talaabada ugu wanaagsana loo arko baajinta banaan baxa ay iclaamiyeen siyaasiyiinta mucaaradka.
Ugaas Maxamuud Cali Ugaas iyo Ganacsatada kala ah Mursal Kadiye iyo Ibraahin Kaah ayaa hada goor dhaw oo caawa ah ku biiray dadaalada waxayna durba gurigiisa kula kulmeen Gudoomiyaha Madasha mucaaradka samatabixinta Shariif Sh.Axmed iyagoona kala hadlay daminta xiisada iyo iyo joojinta banaan baxa beri lagu balansan yahay.
Dadaalada dhex dhexaadinta oo ka kala socda Hotel Jazeera iyo guriga Xildhiban Shariif Sh Axmed ayaa waxaa kala hogaaminaya dhanka Hoteelka Xildhibaan Dhageey, Senator Dhagdheer iyo Xildhibaan Saabir Shuuriye, halka tan guriga Shiikh Shariif ay hogaaminayaan Ugaas Maxamuud Cali Ugaas iyo Ganacsade Ibraahin Kaah.
Shacabka Muqdisho oo sedex sano nabad ku noolaanaya ayaa aad uga walwalsan xiisadahaan dagaal ee maalmahaan ku soo kordhay caasimada kuwaasoo siyaasad lugaha kula jira iyo isku heysadka kursiga ugu sareeya dalka ee Madaxweynaha Soomaaliya,shacabka ayaa ka war dhowraya sida Dowlada hada jirta u maareyso xiisada taagan xili mucaaradku aad ugu hubeysan yihiin magaalada Muqdisho.
XAFIISKA WARARKA SIYAASADA
DAYNIILE.COMÂ
