KAMPALA (DAYNIILE.COM)-Taliyaha Ciidamada guud ee Milateriga Uganda oo ah wiil uu dhalay Madaxweynaha Dalkaasi ayaa si cad warbaahinta ugu sheegay in ciidamadooda ay kala baxayaan Somaliya madaama Mareykanka iyo Alshabaab uu heshiis dhexmaray.
Taliiyahaan wuxuu sidoo kale daboolka ka qaaday inay xog ku hayaan in sida suuriya iyo Afgaanistaan Mareykanku doonayo inuu la heshiiyo kooxaha lagu xagliyo urur weynaha Alqacida sidaas daraadeedna uu Alshabaab la rabo inuu dalka dhan xukunkiisa ku wareejiyo.
“ciidamadeena waan kala baxeynaa Somalia kadib markaan ogaanay in Mareykanku la heshiiyay Alshabaab islamarkaana uu doonayo inuu dalka Somalia ku wareejiyo”ayuu yiri Taliyaha Uganda.
Heshiiskaani ayuu sarkaakaani sheegay inuu yahay mid qarsoodi ah inkastoo uusan soo bandhigay cadeyma la xiriira halka heshiiska uu ka dhacay iyo cida labada dhinac u kala mataleysay.
“waxan heynaa xog sheegeysa inuu jiro heshiis qarsoodi ah oo dhexmaray Mareykanka iyo dagaalamayaasha Alshabaab sidaas daraadeed ayaan uga soo baxeynaa Somalia”ayuu yiri Taliyaha gud ee ciidamada Uganda.
XAFIISKA WARARKAÂ
DAYNIILE.COM
