XIGASHO LAACIB.NET
Kooxda Real Madrid ayaa la kulmeysa caqabado dhanka maaliyadda ah xilli ay wali ka shaqeynayaan kordhinta qandaraaska Vinicius Jr, sida uu sheegay wargeyska El Chiringuito.
Weeraryahanka reer Brazil, oo qandaraaskiisa haatan uu dhacayo dhammaadka bisha Juun ee sanadka 2027, ayaa lagu waramayaa in uu dalbanayo €20 milyan sanadkii. Laakiin Los Blancos ayaa si cad ugu sheegtay wakiillada Vinicius in aysan u oggolaan doonin mushaar ka sarreeya kan Kylian Mbappé, kaas oo hadda helaya €15 milyan sanadkii.
Muran kale ayaa sidoo kale ka yimid dhinaca muddada qandaraaska, maadaama wakiilka Vinicius, Frederico Pena, uu doorbido qandaraasyo gaagaaban ama dhexdhexaad ah, taas oo sii dheereyneysa wadahadallada.
Real Madrid ayaa wali u aragta Vinicius mid muhiim u ah mustaqbalka kooxda, balse waxay doonayaan in miisaaniyadda mushaaraadka aysan ku xad-gudbin si aysan saameyn ugu yeelan qorshahooda dhaqaale ee sanadaha soo socda.
Wadahadalladan oo cirka isku shareeray ayaa indhaha u jeedinaya mustaqbalka xiddiga reer Brazil iyo in uu sii ahaan doono qeyb ka mid ah mashruuca cusub ee Santiago Bernabeu.
