XIGASHO LAACIB.NET
Xiddiga garabka uga ciyaara kooxda Real Madrid, Vinicius Junior, ayaa soo bandhigay mid ka mid ah qaab ciyaareedkiisii ugu fiicnaa xilli-ciyaareedkan intii ay socotay ciyaartii ay 6-1 ku xasuuqeen kooxda Monaco ee tartanka Champions League. Vinicius ayaa kulankaas ku dhameystay gool iyo saddex caawin oo cajiib ah.
Bandhigan heerka sare ah ayaa u saamaxday xiddiga reer Brazil inuu aamusiiyo taageerayaashii dhowaanahan ku foodhyayay garoonka Santiago Bernabéu, isagoo dhaleeceyntii u beddelay sacab iyo dhiirigelin. Waxaa intaas dheer inuu hadda si rasmi ah u soo galay kaalinta 8-aad ee liiska ciyaartoyda ugu caawinta badan taariikhda tartanka Champions League, isagoo leh 30 caawin.
* Cristiano Ronaldo (42)
* Angel Di Maria (41)
* Lionel Messi (40)
* Neymar (33)
* Kevin De Bruyne (31)
* Ryan Giggs (31)
* Xavi Hernandez (30)
* Vinicius Junior (30)
* Thomas Muller (30)
* Karim Benzema (29)
Vinicius ayaa hadda barbareeyay halyeeyada kala ah Xavi iyo Thomas Müller, wuxuuna fursad u haystaa inuu xilli-ciyaareedkan gudahiisa kor ugu sii kaco liiskan maadaama uu yahay xiddig firfircoon oo weli tartanka ku jira. Iyadoo uu ka yar yahay inta badan xiddigaha ka horreeya, waxaa loo saadaalinayaa inuu mustaqbalka dhow beegsan doono rikoorka dahabiga ah ee Cristiano Ronaldo.
XIGASHO LAACIB.NET
