Wararka ka imaanaya Gobolka Nugaal ayaa sheegaya in Xaalada Magaalada Garowe ee Caasimadda Maamulka Puntland ay degan tahay, balse dhaqdhaaqyo Ciidan halkaas ay ka jiraan .
Ciidamo ka Tirsan maamulka Puntland ayaa saakay lagu arkay Xaafadaha Magaalada Garowe kuwaas oo Hawlgallo Amniga lagu xaqiijinayo ka bilaabay.
Sidoo kale’ wararka ayaa sheegaya in Ciidamada Nucaaradka Puntland ee uu Hogaamiyo Jeneraal Jimcaale Takar iyana ay Dhaqdhaaqyo kaa bilaabeen duleedka Magaalada Garowe.
Arintaan ayaa u muuqata mid keeni karta in Ciidamada Puntlaand iyo Mucaaradka ka soo horjeeda markale ay ku dagaalamaan Magaalada Garowe, balse Isimada Dhaqanka Puntland ayaa wada dadaalo looga hortagayo dagaal mar kale ka dhacay Magaaladaas.
Dagaalkii doraad ka dhacay Magaalada Garowe ee Caasimada Maamulka Puntland ayaa ku geeriyooday in ka badan 30 ruux halka tiro intaas ka badan ay ku dhaawacmeen oo isugu jira dhinacyadii dagaalamay iyo dad shacab ah , waxana xog aay heshay warbaahinta Risaala ay sheegeeysaa in Ciidamada Mucaradka Puntland dagaalkaas looga dilay 16 Askari 3 Gaadiid oo kuwa dagaalka ahna looga qabsaday.
