XIGASHO LAACIB.NET
Borussia Dortmund ayaa mamnuucday dhammaan xubnaha qoysaska ciyaartoyda inay soo galaan qolka labiska, kadib dhacdo ku saabsan aabbaha Jobe Bellingham, Mark, kulankii Sabtidii.
Dortmund oo 3-1 ku hoggaamineysay St Pauli daqiiqaddii 85-aad ayaa ugu dambeyn lumisay saddexda dhibcood kadib markii ciyaartu ku dhammaatay barbaro 3-3, taasoo dhalisay caro iyo niyad-jab weyn.
Mark iyo xaaskiisa Denise ayaa ka xanaaqay go’aanka tababare Niko Kovac ee ahaa in Jobe la beddelo qeybta hore ee kulankii uu ku soo bilowday. Labada waalid ayaa sugay dhamaadka ciyaarta si ay ula hadlaan maamulka kooxda.
Wararka ka imanaya Sky Sports Germany ayaa sheegaya in Mark uu dood kulul la yeeshay agaasimaha isboortiga Dortmund, Sebastian Kehl, isaga oo muujiyay caro ku saabsan beddelka wiilkiisa iyo guud ahaan bandhigga kooxda.
Sida ay ku dareen warbaahinta BILD, Mark Bellingham ayaa sidoo kale doonayay inuu si toos ah ula kulmo tababare Kovac, isagoo si cad u muujiyay aragtidiisa dhaliisha leh.
XIGASHO LAACIB.NET
