Iyadoo Maalmihii u danbeysay ay socotay saasaal laga bixinayay in dalka ay ka dhicio doonaan roobab iyo daadad ayaa waxa la soo sheegayaa in degmooyinka iyo deeegaanada qaar ay wabiyadu bilaabeen inay fatahaan.
Maxamed Xuseen Khaaasim oo ah Wasiir ku xigeenka Beeraha Dowlad Goboleedka Hirshabelle ayaa war uu soo saaray wuxuu ku sheegay in fatahada wabiyadu ay bilowdeen islamarkaana ay socdaan,wuxuu intaas ku daray in Magaalooyinka Mahadaay iyo Jowhar uu wabigu fatahay islamarkaan biyuhu ku socdaan xaafadaha la dagan yahay.
Wasiirkaan wuxuu tilmaamay in deegaanada buulfuule iyo Xawaadley sido kale uu wabigu ku fatahay,gurmadkuna uu socdo.
Ma jirto wax dhimasho ah uu geystay fatahaada wabiga rabi hanaga hayee, dhibaatada hada jirta ayaa ah barakaca qoysaska iyo beerihii oo ku baaba’ay fatahaada wabiga.
Wasiir ku xigeenka Beeraha Hirshabelle Maxamed Xuseen Khaaasim wuxuu ka codsaday dhaman intii wax balan qaaday ama dowlad ama hay’ada intaba ay sida ugu dhaqsiyaha badan usoo gurmadaan dadka wabigu ku fatahay.
“intii shacabku haysteen oo ay awoodeen marka la eego jawaanada waan dhignay oo dadaalku waa socdaa laakiin dadkii wax balan qaaday gurmadka degdeg ha uga qeybqaataan”ayuu mar kale yiri Wasiir xigeenka beeraha Hirshabelle
XAFIISKA WARARKA
DAYNIIILE.COM
